لاہور کے علاقے محمد نگر میں سب انسپکٹر ڈکیتی واردات میں ملوث نکلا جس پر اسے باوردی گرفتار کر لیا گیا۔نجی ٹی وی کےمطابق کچھ روز قبل اوکاڑہ کی حدود میں ہونے والی ڈکیتی میں سب انسپکٹر اعجاز ریاض ڈاکوؤں کے ساتھ شامل نکلا، سب انسپکٹر نے ڈاکوؤں کے ساتھ مل کر لاہور کے بیوپاری سے 13 لاکھ کی ڈکیتی کی تھی۔آئی جی پنجاب کے نوٹس پر اوکاڑہ پولیس نے ایک ڈاکو کو گرفتار کیا تو اس نے سارے راز کھول دیئے، پولیس نے مقدمہ درج کر کے اعجاز ریاض سب انسپکٹر کو ٹریس کر لیا، ملزم کے خلاف مزید انکوائری جاری ہے۔
