حوثی حملوں میں اضافے کے بعد ایمانوئل میکرون سعودی عرب پہنچنے والے پہلے مغربی سربراہِ مملکت ہیں، فرانسیسی صدر کی سعودی ولی عہد محمد بن سلمان سے ملاقات متوقع ہے۔غیر ملکی خبر ایجنسی کے مطابق فرانسیسی صدر توانائی کے شعبے میں تعاون بڑھانے کے لیے سعودی حکام سے اہم ملاقاتیں کریں گے۔خبر ایجنسی کا کہنا ہے کہ فرانس میں مہنگائی اور توانائی کی بڑھتی ہوئی قیمتوں کے تناظر میں ایمانوئل میکرون نے خلیجی ممالک کا دورہ کیا ہے-
