Warning: Undefined array key "geoplugin_countryName" in /home/u381184473/domains/starasiatv.com/public_html/wp-content/plugins/stylo-core/stylo-core.php on line 96

پوتے پوتیوں کی پیسوں میں ڈنڈی سے تنگ دادی نے حساب سیکھنے کیلئے اسکول میں داخلہ لے لیا

بھارت میں پوتے پوتیوں اور نواسے نواسیوں کے پیسوں میں ڈنڈی مارنے سے تنگ 92 سالہ دادی نے گنتی اور حساب کتاب سیکھنے کے لیے اسکول میں داخلہ لے لیا۔بھارتی کے مطابق ریاست اترپردیش کے علاقے ’’بلند شہر‘‘ میں 92 سالہ دادی نے اسکول میں داخلہ لے لیا۔ 1930 میں پیدا ہونے والی سلیمہ خان کبھی اسکول نہیں گئی تھیں۔ان کی شادی صرف14 برس کی عمر میں ہوگئی تھی۔ وہ خود تو پڑھی لکھی نہیں تھیں لیکن اپنی اولادوں کو انہوں نے خوب پڑھایا۔ ان کا کہنا ہے کہ جب وہ اپنے پوتے پوتیوں اور نواسے نواسیوں سے کوئی چیز منگواتی ہیں تو شرارتی بچے بقایا پیسوں میں ڈنڈی مارتے کیوں کہ دادی گنتی گرنے اور حساب کتاب میں اتنی اچھی نہیں تھی۔زمانے کی سرد گرم اور دھوپ و چھاؤں کا وسیع تجربہ رکھنے والی دادی اپنے اولادوں کی اولادوں کی اس کارستانی کو بھانپ گئیں اور جب سب سے چھوٹے پوتے کے اسکول میں داخلے کا وقت آیا تو خود بھی اسکول جانے کا فیصلہ کرلیا۔
گھر والوں نے جب 92 سالہ دادی کی ضد کے آگے ہتھیار ڈال دیے اور دادی پوتا ایک ساتھ اسکول جانے لگے۔یوں دادی کو گنتی، پہاڑے، جمع تفریق اور حساب کتاب آگیا اور شرارتی پوتے پوتیاں دیہاڑی سے محروم ہوگئے۔

اپنا تبصرہ بھیجیں