آئی سی سی کرکٹ ورلڈکپ کے ساتویں میچ میں انگلینڈ نے بنگلہ دیش کو 137رنز سے شکست دے دی ۔ انگلینڈ نے پہلے بیٹنگ کرتے ہوئے مقررہ 50اوورز میں شاندار کھیل پیش کرتے ہوئے9 وکٹوں کے نقصان پر 364 رنز بنائے جس کے جواب میں بنگلہ دیش کی ٹیم227رنز بنا کر ڈھیر ہو گئی ۔بھارت کے دھرم شالا سٹیڈیم میں کھیل گئے میچ میں انگلینڈ کی جانب سے ڈیوڈ میلان اور جونی بیرسٹو نے اوپننگ کی اور ٹیم کو اچھا آغاز فراہم کرتے ہوئے بنگلادیش کی بولنگ کے آگے رنز کی چٹان ثابت ہوئے لیکن اوپننگ پارٹنر شپ ٹیم کو 115 رنز دینے کے بعد ٹوٹ گئی۔جونی بیرسٹو 59 گیندوں پر 8 چوکوں کی مدد سے 52 رنز کی شاندار اننگز کھیل کربنگلادیشی کپتان شکیب الحسن کا شکار ہوگئے بیرسٹو کے بعد ڈیوڈ میلان اور اور جو روٹ کے درمیان بھی اچھی پارٹنر شپ قائم ہوئی لیکن 38 اوورز میں اوپنر ڈیوڈ میلان 16 چوکوں اور 5 چھکوں کی مدد سے 140 رنز کی شاندار اننگز کھیل کر مہیدی حسن کا شکار ہوگئے، اس کے بعد کپتان جوز بٹلر بھی 20 ، جوروٹ 82 رنز بناکر آؤٹ ہوگئے۔بنگلہ دیش کی جانب سے مہدی حسن نے 4جبکہ شرف السلام نے 3وکٹیں حاصل کیں جبکہ شکیب الحسن اور تاسکن ایک، ایک وکٹ لینے میں کامیاب ہوئے۔مطلوبہ ہدف کے تعاقب میں بنگلہ دیش کی پہلی وکٹ دوسرے اوور کی چوتھی گیند پر گری جب تنزید حسن 14 رنز بناکر ریس ٹوپلے کی گیند پر کیچ آؤٹ ہوئے اس کی اگلی ہی گیند پر ٹوپلے نے ہی مہدی حسن کو صفر رنز پر پویلین بھیج دیا۔بنگلہ دیش کی تیسری وکٹ بھی ٹوپلے کے ہی حصے میں آئی جب انہوں نے صرف 26 رنز پر ہی کپتان شکیب الحسن کو پویلین بھیج دیا ۔اس کے بعد مہیدی حسن میراز بھی 8 رنز بناکر پویلین لوٹ گئے جبکہ لٹن داس 76 رنز پر آؤٹ ہوگئے۔ مشفیق الرحیم 51، توحید ہیروڈے 39،مہدی حسن 14، شرف السلام12رنز بنا کر آوٹ ہوئے۔ انگلینڈ کی جانب سے ریس ٹوپلے نے 4، کرس ووکس نے دو جبکہ سیم کرن ، عادل رشید ، لیام لیونگ سٹون اورمارک ووڈ نے ایک، ایک وکٹ حاصل کی۔
