احتساب عدالت نے توشہ خانہ، 190ملین پاؤنڈ سکینڈل کیس میں بشریٰ بی بی کی گرفتاری سے متعلق درخواست کو قبل از وقت قرار دے دیا گیا،احتساب عدالت نے کہاکہ نیب کو بشریٰ بی بی کی گرفتاری مطلوب نہیں،ہائیکورٹ فیصلے کے مطابق نیب گرفتاری سے قبل ملزم کو آگاہ کرنے کی پابند نہیں،عدالت نے بشریٰ بی بی کی گرفتاری سے پہلے آگاہ کرنے کی درخواست نمٹا دی،احتساب عدالت نے بشریٰ بی بی کی درخواست ضمانت کو بھی نمٹا دی.نجی ٹی وی چینل کے مطابق احتساب عدالت میں بشریٰ بی بی کیخلاف توشہ خانہ، 190ملین پاؤنڈ سکینڈل کیس کی سماعت ہوئی،احتساب عدالت میں وکیل صفائی لطیف کھوسہ اور پی ٹی آئی وکلا پیش ہوئے،احتساب عدالت کے جج محمد بشیر کی عدالت میں نیب پراسیکیوٹر مظفر عباسی بھی پیش ہوئے،وکیل صفائی لطیف کھوسہ نے گرفتاری سے متعلق اعلیٰ عدلیہ کے فیصلے جمع کرا دیئے، وکیل لطیف کھوسہ نے کہاکہ گرفتاری پر نیب کو چھپن چھپائی نہیں کھیلنا چاہئے،اگرگرفتاری مطلوب نہیں تو بشریٰ بی بی کی ضمانت کنفرم کردیں،بشریٰ بی بی تو ہر قانونی حق استعمال کر سکتی ہیں، احتساب عدالت نے فریقین کے دلائل سننے کے بعد فیصلہ محفوظ کرلیا۔احتساب عدالت نےمحفوظ فیصلہ سناتے ہوئے توشہ خانہ، 190ملین پاؤنڈ سکینڈل کیس میں بشریٰ بی بی کی گرفتاری سے متعلق درخواست کو قبل از وقت قرار دے دیا گیا،احتساب عدالت نے کہاکہ نیب کو بشریٰ بی بی کی گرفتاری مطلوب نہیں،ہائیکورٹ فیصلے کے مطابق نیب گرفتاری سے قبل ملزم کو آگاہ کرنے کی پابند نہیں،عدالت نے بشریٰ بی بی کی گرفتاری سے پہلے آگاہ کرنے کی درخواست نمٹا دی،احتساب عدالت نے بشریٰ بی بی کی درخواست ضمانت کو بھی نمٹا دی۔
