پاکستان مسلم لیگ ن کی چیف آرگنائزر مریم نواز کا کہنا ہے کہ نہتے اور محصور لوگوں پر وحشیانہ بمباری جنگی جرائم ہیں، عالمی برادری فلسطینیوں کا قتل عام رکوائے۔ لاہور میں میڈیا سے گفتگو کرتے ہوئے مریم نواز نے کہا کہ محصور فلسطینیوں کے لیے خوراک اور ادویات کی فراہمی کا بندوبست کیا جائے، فلسطینیوں کے قتل عام پر اسلامی دنیا کے عوام میں شدید غم و غصہ ہے، دنیا بھر کے انصاف پسند عوام بے گناہوں کا خون بہنے سے روکنے میں کردار ادا کریں، اسلامی ممالک کی قیادت عوام کی امنگوں کی ترجمانی کرے۔
