ایف آئی اے سائبر کرائم اسلام آباد نے آن لائن فراڈ اور دھوکہ دہی میں ملوث ملزم کو گرفتار کرلیا۔اسلام آباد سے گرفتار کیے گئے ملزم اسماعیل نے وٹس ایپ پر خود کو شہری کا رشتہ دار ظاہر کیا اور حادثاتی صورتحال کا حوالہ دیتے ہوئے 5لاکھ 29 ہزار روپے دھوکہ دہی سے ہتھیالیے،ملزم نے مذکورہ رقم مختلف اکاؤنٹس میں منگوائی جس کے بعد وہ فراڈ سے ہڑپ کی گئی رقم سے عمرےکا فریضہ ادا کرنے کے لیے چلا گیا۔ایف آئی اے کے مطابق ملزم کے قبضے سے موبائل فون و دیگر شواہد حاصل کر لیے گئے,تفتیش کا آغاز کر دیا گیا ہے۔
