سندھ ہائیکورٹ میں کراچی کے علاقے آگرا تاج میں 96 گز پلاٹ پر 9 منزلہ عمارت بنانے کے خلاف درخواست پر سماعت ہوئی،عدالت نے 9 منزلہ عمارت مسمار کرنے کا حکم دے دیا ساتھ ہی سندھ بلڈنگ کنٹرول اتھارٹی کو دو ہفتوں میں عمارت مسمار کرنے کی ہدایت بھی کردی ۔عدالت نے ریمارکس دیے ایس بی سی اے عمارت مسمار کرکے آئندہ سماعت پر پیشرفت رپورٹ جمع کرائے.دوران سماعت عدالت نے عدالت نے الاٹیز کی درخواست بھی مسترد کردی ، الاٹیز کے وکیل سے استفسار کیا کس بنیادوں پر آپ نے اس عمارت میں فلیٹس لیے؟ ریمارکس دیے جب فلیٹس خرید رہے تھے تب دیکھ لیتے، ہم آپ کی درخواست مسترد کر رہے ہیں، آپ چاہیں تو معاوضے کے لئے الگ سے درخواست دائر کر سکتے ہیں۔عدالت نے درخواست پر مزید سماعت 14 نومبر تک ملتوی کردی ۔وکیل درخواست گزار نے مؤقف اختیار کیا تھا کہ96 گز کے پلاٹ پر 9 منزلہ عمارت بناکر فلیٹس فروخت بھی کردیے گئے،
عدالتی احکامات کے باوجود عمارت کھڑی کر دی گئی ہے، عدالتی چھٹیوں میں بلڈر نے پوری عمارت کھڑی کردی۔
