34 فوربز کے مطابق نئے افراد کی مجموعی دولت تقریباً 321 ارب ڈالر ہے، جن میں 15 افراد ٹیکنالوجی کے شعبے سے تعلق رکھتے ہیں اور ان میں زیادہ تر اے آئی سے متعلق کاروبار سے وابستہ ہیں۔ اوپن اے آئی کے شریک بانی گریگ بروک مین 25.5 ارب ڈالر کی دولت کے ساتھ نئے آنے والوں میں سب سے امیر ہیں، جبکہ اے آئی روبوٹکس کمپنی فگر کے بانی بریٹ ایڈکاک کی دولت 23.4 ارب ڈالر بتائی گئی ہے۔ انتھروپک کے چھ شریک بانیوں میں سے ہر ایک تقریباً 15.5 ارب ڈالر کا مالک ہے، جبکہ Cognition AI کے شریک بانی اسٹیون ہاؤ تقریباً 5.8 ارب ڈالر کی دولت کے ساتھ فوربز 400 کے سب سے کم عمر نئے رکن بن گئے ہیں۔ فوربز 400 میں 40 سال سے کم عمر ارب پتیوں کی تعداد 4 سے بڑھ کر 10 ہوگئی ہے، جن میں سے 7 کی دولت براہِ راست اے آئی سے وابستہ ہے۔ یہ رجحان ظاہر کرتا ہے کہ اے آئی اب محض ٹیکنالوجی کا شعبہ نہیں رہا بلکہ نئی دولت پیدا کرنے کا ایک اہم ذریعہ بن چکا ہے، جہاں کمپنیوں کی قدر میں بڑے اضافے کے باعث بانیوں اور ابتدائی سرمایہ کاروں کے حصص کی مالیت چند ہی برسوں میں اربوں ڈالر تک پہنچ رہی ہے۔
