ارشد شریف قتل ازخود نوٹس کیس میں اہم پیشرفت سامنے آئی ہے، پریکٹس اینڈ پروسیجر کمیٹی نے کیس کی سماعت کیلئے لارجر بنچ تشکیل دیدیا۔5 رکنی لارجر بینچ کی سربراہی جسٹس جمال مندوخیل کریں گے جبکہ دیگر اراکین میں جسٹس محمد علی مظہر، جسٹس عائشہ ملک ،جسٹس حسن اظہر رضوی اور جسٹس اطہر من اللہ شامل ہیں۔24 نیوز کے مطابق جسٹس جمال خان مندوخیل کی سربراہی میں 5رکنی بینچ کی تشکیل کا فیصلہ دو ایک کے تناسب سے ہوا، چیف جسٹس قاضی فائز عیسی نے جسٹس منصور علی شاہ کا تین رکنی بینچ برقرار رکھنے کی رائے دی،جسٹس منصور علی شاہ اورجسٹس منیب اختر نے جسٹس مندوخیل کی سربراہی میں پانچ رکنی بینچ تشکیل دینے کی رائے دی۔ کمیٹی کی اکثریتی رائے پر جسٹس مندوخیل سربراہی میں لارجر بینچ بنانے کا فیصلہ ہوا،کمیٹی کا تشکیل کردہ نیا بینچ ججز کی دستیابی پر ارشد شریف قتل ازخودنوٹس کیس کی سماعت کریگا۔
