ایک ٹانگ پر کئی سالوں سے سبزی اور فروٹ کا ٹھیلہ لگا کراپنے بچوں کا پیٹ پالنے والا شیوانی محلے کے ہری رام کمار مالھی کی دوسری ٹانگ بھی زخمی ہو گئی ہے جس کی وجہ سے وہ چلنے پھرنے سے قاصر ہے، گھر میں قحط سالی کے بعد مسیحا کا انتظار کر رہا ہے ،پریشانیوں سے تنگ آ کر گذشتہ روز عمرکوٹ پریس کلب پہنچا۔ہری رام کمار نے بتایا کہ کئی سالوں سے ایک ٹانگ سے معذور ہونے کے باوجود میں لکڑی کے ٹھیلے پر سبزیاں اور پھل بیچ کر اپنے معصوم بچوں کی دیکھ بھال کر رہا تھا، دوسری ٹانگ میں چوٹ لگنے کی وجہ سے چلنے پھرنے سے قاصر ہو گیا ہوں ، اب میں ایسی حالت میں ہوں کہ میں اپنے بچوں کی دیکھ بھال نہیں کر سکتا، میں علاج کیلئے کسی مسیحاکا منتظر ہوں جومیرا علاج کرا سکے تاکہ میری مالی پریشانیوں کو دور کیا جاسکیں م اور روزگار کرکے اپنے بچوں کا پیٹ پال سکوں ۔
