مسلم لیگ ق کے سربراہ چودھری شجاعت حسین نے اپنے ایک بیان میں کہا کہ حکومتی مخالفین گداگری کا الزام لگا کر اپنے آپ کو بڑا سمجھ رہے ہیں لیکن حکمران سیلاب زدگان کی بحالی اور عوام کی معاشی صورتحال بہتر بنانے کی خاطر پیسے مانگ رہے ہیں۔
انہوں ںے کہا کہ شہباز شریف اور بلاول بھٹو کو ہر روز فقیر کہہ کر پکارا جا رہا ہے جبکہ وزیر اعظم شہباز شریف اور وزیر خارجہ بلاول بھٹو گداگری پاکستان کے لیے کر رہے ہیں جس پر انہیں فخر ہونا چاہیے۔
چودھری شجاعت حسین نے کہا کہ ملک کے لیے پیسے مانگنے کے اس نیک کام میں ہم بھی ان کے ساتھ شریک ہوں گے۔
