انگلینڈ کی ٹیسٹ ٹیم کے کپتان بین سٹوکس نے ون ڈے کرکٹ سے ریٹائرمنٹ واپس لینے کا اشارہ دیا ہے۔بین سٹوکس نے ٹیسٹ اور ٹی ٹوئنٹی کرکٹ پر فوکس رکھنے کیلئے گزشتہ برس ون ڈے کرکٹ سے کنارہ کشی اختیار کی تھی۔برطانوی میڈیا کا کہنا ہے کہ سٹوکس ورلڈکپ کھیلنے کیلئے اپنا فیصلہ واپس لے سکتے ہیں۔میڈیا رپورٹس میں کہا گیا ہے کہ ریٹائرمنٹ واپس لینے کی صورت میں بین سٹوکس مڈل آرڈر میں بیٹنگ کر سکتے ہیں، وہ ریگولر بیٹر کے طور پر ٹیم میں شامل ہوں گے۔واضح رہے کہ آئی سی سی ون ڈے ورلڈ کپ رواں سال اکتوبر میں بھارت میں کھیلا جائے گا جس میں انگلش ٹیم ٹائٹل کا دفاع کرے گی۔
