پاکستان کی جانب سے غزہ کے لئے مزید امداد روانہ کردی گئی۔نجی ٹی وی کے مطابق پاکستان کی جانب سے غزہ کے لئے 400 ٹن انسانی امداد کی 8ویں قسط روانہ کردی گئی۔ امداد میں موسم سرما میں خیمے، ترپال، کمبل، ادویات اور خوراک کا سامان شامل ہے۔وزیرِ خارجہ اسحاق ڈار کے مطابق یہ امداد مصر کی پورٹ سعید میں پاکستانی سفیر وصول کریں گے۔ غزہ کے لوگوں تک آگے کی ترسیل کے لئے امداد کو مصری ہلال احمر کے حوالے کر دیاجائے گا۔وزیرِ خارجہ کا کہنا ہے کہ پاکستان غزہ میں اپنے بھائیوں اور بہنوں کی فوری انسانی ضروریات کو پورا کرنے کے لئے پرعزم ہے۔
